Այսօր՝ հուլիսի 4-ին, «Սփյուռք» ամառային դպրոցի Հայոց լեզվի և պատմության, կրթական գործի վերապատրաստման դասընթացների երկրորդ օրն է: Միջին և ավագ դպրոցի ուսուցիչները առավոտյան դասընթացը սկսեցին Երևանի թիվ 4 հիմնական դպրոցի փոխտնօրեն Լարիսա Մկրտչյանի հետ:

 Գրականության մասին խոսելիս մասնակիցները հիշեցին մի շարք ստեղծագործություններ, միասին արտասանեցին ու երգեցին: 

  Դանիայից ժամանած մասնակիցներից մեկն էլ ասաց.«Տիկին Լարիսա, Դուք այնքան պատկերավոր ու գեղեցիկ եք ամեն բան բացատրում, որ ցանկություն եմ ունենում մանուկ դառնալ ու հենց Ձեր դասարանում սովորել»:

  Երկրորդ դասընթացը վարեց Բեյրութի Հայկազյան համալսարանի դասախոս, մ.գ.թ. Հակոբ Յակուբյանը: Այն միտված էր հայագիտական առարկաների դասավանդման ընթացքում քննադատական մտածողության զարգացմանը:

 Նա մասնավորապես նշեց.«Ոչնչից քննադատական մտածողություն չի ստեղծվում,դրա համար կրթական համապատասխան հիմք է պետք: Յուրաքանչյուրը պետք է հնարավորություն ունենա արտահայտել իր սեփական կարծիքն ու հավասարապես գնահատվել»:

  Վերջին դասընթացին մասնակիցները հանդիպեցին ԵՊՀ մանկավարժության ամբիոնի դոցենտ Արմինե Աշիկյանի հետ և քննարկեցին մանկավարժության ժամանակակից հիմնախնդիրները:

 Նյութի հեղինակ՝ ՍԱԴ կամավոր Սոֆի Թովմասյան